Çiklo Sigurt Prishtinë

Aktiviteti: Marsh i çiklistëve kundër ndotjes së ajrit në Prishtinë

#ciklosigurt

Të nderuar çiklistë, shoqëri dhe ambientalistë,

Ju ftojmë të merrni pjesë në marshin e çiklistëve kundër ndotjes së ajrit në Prishtinë.

Aktiviteti në kuadër të projektit “Çiklo Sigurt Prishtinë”

Projekti “Çiklo Sigurt Prishtinë” është pjesë e projektit “Empower – Engage – Build Ownership”, financuar nga fondet e Bashkimit Evropian, menaxhuar nga Zyra e BE në Kosovë European Union Kosovo, mbështetur nga Balkan Green Foundation dhe Institute for Development Policy (INDEP) dhe implementuar nga Klubi Alpin Prishtina.

Detajet e aktivitetit:

Data: 23 shkurt 2020 h 12:00

Pikë-nisja: IHMK (Instituti Hidrometeorologjik i Kosovës), Fushë Kosovë, në hyrje të Prishtinës

Pikë-arritja: Parku i Gërmisë

Trajektorja e marshit ka gjatësi prej 7 km dhe do të zhvillohet përgjatë segmenteve rrugore të paraqitura grafikisht në hartë.

Qëllimi i aktivitetit:

Çiklistët janë të shqetësuar për nivelin e lartë të ndotjes së ajrit në Prishtinë, që vjen edhe si rrjedhojë e dominimit të mjeteve motorike në rrugët e kryeqytetit.

Përveç kushteve minimale të infrastruktrës dhe sigurisë së dobët për komunitetin e çiklistëve, çiklistët tani përballen edhe me ajër të pashëndetshëm (në kushtë të tilla të cilësisë së dobët të ajrit nuk rekomandohet të çiklohet).

Marshi ka për qëllim vetëdijësimin e shoqërisë drejt përdorimit të transportit të qëndrueshëm dhe miqësor me mjedisin – Bicikletës.

Vëmendje: Helmeta në kokë është OBLIGATIVE.

Përkrahësit vullnetarë:
Marakli t’Biciklave
Bike Friendly Café & Shop powered by Supercyclists
Komuna e Prishtinës
Policia e Kosoves
Drejtoria e Shërbimeve Publike, Mbrojtjes dhe Shpëtimit
Drejtoria e Administratës
Drejtoria e Sporit
Drejtoria e Urbanizmit
Drejtoria e Parqeve